महंत - २६४६ ते २६४६

२६४५

ब्रह्माचारी म्हणती महंत । सदा विषयावरी चित्त ॥१॥

नेसोनियां कौपीन । अंतरीं तों विषयध्यान ॥२॥

बोले जैसा रसाळ । भाव अंतरीं अमंगळ ॥३॥

एका जनार्दनीं सोंग । तया न मिळे संतसंग ॥४॥

२६४६

घालुनी आसन पोटीं भाव नाहीं । वायां केली पाही विटंबना ॥१॥

देव सर्वांभुतीं तयासी न कळे । वाउगें गवाळें पसरिलें ॥२॥

अंतरीं तो हेत द्रव्य मिळेल कांहीं । वरपांग दावी वेषधारी ॥३॥

एका जनार्दनीं ऐसीया सोंगासी । काय देवा त्यासी दंड करा ॥४॥