संग्रह ७

१

अहेव मरनाची मला हाई आवड

म्होरं पतीपुत्रं मागं कुकवाची कावड

२

अहेव मरनाची सयानु मोठी मौज

म्होरं चाले कंथ, माग गोताची फौज

३

अहेव मरन येवं असलपनांत

घ्याईला जागा तुळशीच्या बनामंदी

४

अहेव मरन, सोमवारी सवापारी

कंथ चांदवा देतो दारी

५

सरगाच्या वाटे हळदकुकवाचा सडा झाला

अहेव नारींचा गाडा गेला

६

अहेव मरन अंगनला देई शोभा

कृष्णाकडेला कंथ उभा

७

अहेव मरन भाग्याच्या नारी तुला

सोन्यारूपाची फुलं कंथ उधळीत गेला

८

अहेव मरन सोमवारी रातीयेचं

पानी कंथाच्या हातीयेचं

९

अहेव मरन येवं, पित्याच्या दारापुढे

बंधुला सांगते, सरलं माह्यार तुझ्याकडे

१०

अहेव मरणाची चिता जळे साउलीला

दु:ख आगळं माऊलीला