सावळें सुंदर रूप
सावळें सुंदर रूप मनोहर ।
राहो निरंतर हृदयीं माझे ॥१॥
आणिक कांहीं इच्छा आह्मां नाहीं चाड ।
तुझें नाम गोड पांडुरंगा ॥२॥
जन्मोजन्मीं ऐसें मागितलें तुज ।
आह्मांसी सहज द्यावें आतां ॥३॥
तुका ह्मणे तुज ऐसे दयाळ ।
धुंडितां सकळ नाहीं आह्मां ॥४॥
राहो निरंतर हृदयीं माझे ॥१॥
आणिक कांहीं इच्छा आह्मां नाहीं चाड ।
तुझें नाम गोड पांडुरंगा ॥२॥
जन्मोजन्मीं ऐसें मागितलें तुज ।
आह्मांसी सहज द्यावें आतां ॥३॥
तुका ह्मणे तुज ऐसे दयाळ ।
धुंडितां सकळ नाहीं आह्मां ॥४॥