भयचकित नमावें तुज रमणी !

भयचकित नमावें तुज रमणी,

जन कसे तुडविती तुज चरणी ? ध्रु०

महाकवी, तत्त्वज्ञ, भूपती,

समरधुरधंर वीर धीरगति,

स्थितप्रज्ञ हरि उरीं कोंडिती,

प्रसव तयांचा तूं जननी. १

भूत निघाला तव उदरांतुन

वर्तमान घे अंकीं लोळण,

भविष्य पाही मुली, रात्रदिन

तव हांकेची वाट मनीं. २

तुझ्या कांतिनें चंद्र झळझळे;

फुला फुलपण मुली, तुजमुळे;

रत्‍नीं राग तुझा गे उजळे;

तुझ्यास्तवच हीं प्रिय भगिनी ! ३