दत्ताची आरती - आरती ओवाळीतो जय जय दिगंबर...
आरती ओवाळीतो जय जय दिगंबरा दत्ता, मंदमती मी पातकी देव तारीम मज आतां ॥ धृ. ॥
दंडकमंडलु हस्तीं शोभत तुझिया गुरुनाथा ॥
पापी जन हें बहु उद्धरले गुण तुझे गातां ॥ १ ॥
ध्यानी आणुनि तुजला दत्ता रुप तुझें पाहतां ।
आनंदाने तल्लिन मन माझें आता ॥ २ ॥
दत्त दत्त हें वदनिं नित्यही नाम तुझें घेतां ।
भवसागरिं तारिशी त्यातें शरण तुला आतां ॥ ३ ॥
कृष्णातिरिंच्या कुरवपूरी तूं वससी गुणवंता ।
दर्शनमात्रें तरती प्राणी हरिशी भवचिंता ॥ ४ ॥
इच्छा मनिंची पूर्ण करिशि बा तूंचीं गुरुदत्ता ।
हरि तव चरणी लीन सर्वदा रक्षी गुरुनाथा ॥ ५ ॥