दत्ताची आरती - येई बा नरहरीदत्ता गाणगापु...
येई बा नरहरीदत्ता गाणगापुरवासी ।
भक्ति भावे सेवा करितां पावसि भक्तांसी ॥ धृ. ॥
महिमा किती वर्णू मी तरी पामर मतिहीन ।
सेवेकरितां चरणी आलो निरसी अज्ञान ॥ १ ॥
नानारोग दुरितें जाती घेतां तव तीर्थ ॥
प्रपंच टाकुनि साधायासी आलो परमार्थ ॥ २ ॥
सेवक मी गुरुराया तुमचा शरणांगत चरणी ।
जीवन्मुक्त व्हावया तत्व उपदेशी कर्णी ॥ ३ ॥
मोरेश्वरसुत वासुदेव हा स्वामीगुण गाई ।
निश्चय माझा राहो देवा अखंड गुरुपायीं ॥ ४ ॥