श्रीकृष्णाची आरती - हरि चला मंदिरा ऎशा म्हणती...

हरि चला मंदिरा ऎशा म्हणती गोपिका म्हणती राधिका ।

भावें ओवाळिती यदुकुलतिलका ॥ धृ. ॥

एकीकडे राई, एकीकडे रखुमाई, भावें ओंवाळिता हरिसी तूं होसी दो ठायीं ॥ हरि. ॥ १ ॥

अष्टाधिक सोळा सहस्त्र ज्याच्या सुंदरा, ज्याच्या सुंदरा ।

जिणें जिणें प्रार्थिलें जासी तियेच्या घरा ॥ हरि. ॥ २ ॥

एका जनार्दनी हरि तूं लाघवी होसी ।

इतक्याही भोगुनी ब्रह्मचारी म्हणवीसी ॥ हरि. ॥ ३ ॥