समुद्रातील काही गुढ रहस्य: मेरी क्लेस्टे जहाज

1872 साली अटलांटिक सागर मध्ये मेरी क्लेस्टे नावाचे जहाज अगदी हृदय पिळवटून टाकणाऱ्या अवस्थेमध्ये सापडले. या इतक्या महाकाय अशा जहाजामध्ये आश्चर्याची गोष्ट म्हणजे कोणीही क्रू मेंबर किंवा प्रवासी सापडले नाहीत. तसेच अशा भग्न अवस्थेमध्ये सापडलेल्या या जहाजामध्ये प्रवास करणाऱ्या व्यक्तींचे मृतदेह किंवा अवशेष सुद्धा सापडले नाहीत. यावर काही व्यक्तींचा असा दावा आहे की, हे काम एखाद्या गुढ शक्तीचे असावे, जिने या जहाजावरील प्रवाशांचा असा करुण अंत केला आहे किंवा समुद्रातील दैत्य किंवा तत्सम समुद्री जीवांचे हे काम असावे. काही व्यक्तींच्या मते समुद्रातील भूकंपासारख्या घटनांच्या वेळी या जहाजावरील व्यक्तींनी समुद्रामध्ये उड्या टाकून आपले प्राण वाचवण्याचा प्रयत्न केला असेल, ज्यामुळे या जहाजावर एका सुद्धा व्यक्तीचे अस्तित्व सापडले नाही.