प्रेम आणि मृत्यू...

जन्म झाला म्हणजे 
काळ तोही ठरला आहे,
जाण्याची हुरहूर कशाला 
अजुनी तो दूर आहे....

मी कैकदा जाऊन आलो 
मृत्यूलाही भेटलो आहे,
वणवा पेटावा तसा
तोही पेटलेला आहे...

दिलाही असेल शब्द एखादा 
सहज आपलं चालतांना,
नको आठवू पुन्हा जरा 
मी आता मरणात आहे...

घाबरलो नाही गोष्टी
ऐकून मरणाच्या,त्याला
पाहून अंगणात माझ्या,
आज मी थरथरत आहे...

तू माडी वरून बघ जरा
दारातून जाणार आहे,
परत येणार नाही कधी
हा प्रवास शेवटचा आहे.....

संजय सावळे