श्री दशभूज वल्लभेश गणपती बुधवार पेठ पुणे

पेशवेकालीन सरसेनापती हरिपंत फडके यांच्या पडक्या वाड्यातील हा गणपती हेदवी च्या दशभुजा सिद्धी लक्ष्मी गणेशासारखा आहे.

हे खाजगी देवस्थान आहे.

याचा मूळपुरुष नागस्वरुपात येत असे व गणपतीवर फणा धरीत असे. फडके घराणे गणेश उपासक होते.

दशभुज वल्लभेश हे त्यांचे उपासना दैवत आहे. भाद्रपद महिन्यातील शुद्ध पक्षातील प्रतिपदा ते चतुर्थीपर्यंत घरातील पार्थिव मूर्तीचा उत्सव होतो.

चतुर्थीच्या पुढे पाच दिवस मृण्मयी गणपती आणून उत्सव करण्याची प्रथा आहे.

अशीही गणपतीची नवरात्र असते. १९१६ पर्यंत सारे कुलाचार उत्सव साजरे होत होते.

आता फक्त भाद्रपदातील चार दिवस उत्सव साध्या रीतीने साजरा होतो.