आवडती भारी मला माझे आजोबा...
आवडती भारी मला माझे आजोबा
पाय त्यांचे थकलेले गुडघ्यात वाकलेले
केस सारे पिकलेले ओटीवर गाती गीता
माझे आजोबा
नातवंडा बोलावून घोगर्याशा आवाजानं
सांगती ग रामायण मोबदला पापा घेती
माझे आजोबा
रागेजता बाबा-आई आजोबांना माया येई
जवळी ते घेती बाई कुटलेला विडा देती
माझे आजोबा
खोडी करी खोडकर आजोबांची शिक्षा थोर
उन्हामध्ये त्यांचे घर पोरांसंगे पोर होती
माझे आजोबा
गीत - ग. दि. माडगूळकर