मातेच्या उदरातून मुलाला एच. आई. वी. संसर्ग

गर्भावस्थेत, प्रसूती होताना किंवा स्तनपान करताना आईपासून मुलाला एच. आय. व्ही. संसर्ग होऊ शकतो. एच. आय. व्ही. जगभरात पसरण्यासाठी हे तिसरे सर्वांत मोठे कारण आहे. उपचाराच्या आभावी जन्मापूर्वी किंवा जन्माच्या वेळेला याचा संसर्ग होण्याचे प्रमाण २०% इतके असते. तर स्तनपानापासून होणाऱ्या संसर्गाचे प्रमाण हे ३५% पर्यंत असते. २००८ सालापर्यंत ९०% प्रकरणे अशी आहेत की ज्यामध्ये मुलाला एच. आय. व्ही. संसर्ग हा मातेपासून झाला आहे. योग्य उपचार केले असता मातेपासून मुलाला होणाऱ्या संसर्गाचे प्रमाण ९०% वरून १०% इतके खाली आणता येऊ शकते. मातेला गर्भावास्थेमध्ये आणि प्रसुतीच्या वेळी एंटीरेट्रोवाइरल औषध देऊन, शस्त्रक्रियेद्वारे प्रसूती करून, नवजात अर्भकाला स्तनपान न करवता आणि त्याला देखील एंटीरेट्रोवाइरल औषधांचा खुराक देऊन मातेपासून मुलाला होणारा एच. आय. व्ही. संसर्ग रोखला जाऊ शकतो. परंतु यातले अनेक उपचार आजही अविकसित देशांमध्ये उपलब्ध नाहीत. जर जेवताना दुषित रक्त जेवणाला दुषित करू शकले तर हा देखील एच. आय. व्ही. संसर्ग होण्याचा एक धोका आहे.