ஆபத்து முன்னெச்சரிக்கை

சுதீப் அந்த அலுவலகத்தில் புதிதாக வேலைக்கு சேர்ந்தான். வேலையின் முதல் நாளிலேயே, ஏற்கனவே அங்கு வேலை செய்து கொண்டிருந்த சுரேஷ் அவனிடம் தனியாக சொன்னான் - "பார் சுதீப், இந்த இடம் உனக்கு புதிது. இங்கிருக்கும் மக்களிடம் கொஞ்சம் ஜாக்கிரதையாக பழகு. யாராவது கையில் பணம் வைத்திருந்தால் உடனே கடன் கேட்க ஆரம்பித்து விடுவார்கள்! ஒரு முறை பணம் கொடுத்தால் அவ்வளவுதான்! அதை வசூல் செய்வது ரொம்ப கஷ்டம்! நான் சொல்வதை நன்றாக மனதில் வைத்துக்கொள்!" இங்கிருந்துதான் சுதீப் மற்றும் சுரேஷ் இடையே நட்பு வளர ஆரம்பித்தது. முதல் தேதி வந்தது, சுரேஷின் அறிவுரையை மனதில் வைத்து கடன் கேட்டால் யாருக்கும் பணம் கொடுக்கக்கூடாது என்று சுதீப் முடிவு செய்துவிட்டான். ஆனால் நிறைய நாட்கள் சென்றும் யாரும் அவனிடம் கடன் கேட்கவே இல்லை. ஒரு நாள் சுதீப்பும் சுரேஷும் ஒன்றாக கடைக்கு பொருட்கள் வாங்க சென்றார்கள். சுரேஷ் சில பொருட்கள் வாங்கினான். ஆனால் பணம் செலுத்தும் போது அவனுக்கு ஐம்பது ரூபாய் குறைவாக இருந்தது. சுரேஷ் சுதீப்பிடம், "நான் இதில் சில பொருட்களை குறைக்க வேண்டும். நீ எனக்கு ஐம்பது ரூபாய் கொடு. நாளை காலை அலுவலகத்திற்கு வந்ததும் உன் பணத்தை கொடுத்து விடுகிறேன்" என்றான். சுதீப் உடனே தன் பாக்கெட்டில் இருந்து ஐம்பது ரூபாய் நோட்டை எடுத்து தன் நண்பனிடம் கொடுத்தான். ஆனால் பல நாட்கள் ஆகியும் சுரேஷ் அவன் பணத்தை திருப்பி கொடுக்கவே இல்லை. கடைசியில் ஒரு நாள் சுதீப் அவனிடம் பணம் பற்றி கேட்டான். அதற்கு சுரேஷ், "யாருக்காவது கடன் கொடுத்தால் சீக்கிரம் வசூல் ஆகாது என்று நான் உனக்கு முன்பே சொல்லவில்லையா? இன்னும் கொஞ்சம் நாள் காத்திரு; என்னிடம் உனக்கு கொடுக்கும் அளவுக்கு பணம் சேர்ந்ததும் உனது ஐம்பது ரூபாயை திருப்பி கொடுக்கிறேன்!" - பிரகாஷ் பரஞ்சபே